Bokstan Azııa chempıonatynyń jartylaı fınalynda 15 qazaqstandyq óner kórsetedi

NUR-SULTAN. QazAqparat – Búgin, 16 qarasha kúni jastar arasyndaǵy Azııa chempıonatynyń jartylaı fınalynyń kezdesýleri ótti, dep habarlaıdy QazAqparat Ulttyq Olımpıada komıtetine silteme jasap.

Qazaqstan quramasynyń 15 sportshysy osy raýndqa joldama aldy, ıaǵnı olar medal alady degen sóz. Olardyń arasynda 9 erler jáne 6 áıelder komandalarynyń ókilderi bar.

Jartylaı fınalda Qazaqstan atynan óner kórsetetinder: Mahmýd Sabyrhan (52 kg), Marǵulan Aıdaruly (69 kg), Erasyl Jaqpekov (81 kg), Sabyrǵalı Amanat (+91 kg), Mýhammedsabyr Bazarbaıuly (49 kg), Beıbarys Jeksen (56 kg), Azamat Bektas (75 kg), Toǵambaı Saǵyndyk (91 kg), Darhan Dúısebaı (64 kg), Uljanaı Mamutova (60 kg), Araılym Baqytjanqyzy (81 kg), Anel Saqysh (51 kg), Baljan Asqar (64 kg), Gúlsaıa Erjan (+81 kg), Maıa Beısebaeva (69 kg).