Bokstan Azııa chempıonatynda taǵy eki qazaqstandyq fınalǵa ótti

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda qazaqstandyqtar Dýlat Bekbaýov pen Nurqanat Raıys fınalǵa joldama aldy, dep habarlaıdy QazAqparat tilshisi.

Dýlat Bekbaýov 67 kelige deıingi salmaqta ózbekstandyq Asadhýdja Mýıdınhýdjaevpen sheberlik baıqasty.

Asa qyzý ótken jekpe-jekte boksshylar aıanbaı aıqasty. Tipti Dýlattyń qasy da jaryldy. Tóreshiler 3:2 esebimen jeńisti qazaqstandyq boksshyǵa berdi.

Taǵy bir qazaqstandyq Nurqanat Raıys (75 kg) ırandyq Seıedshahın Mýsavımen judyryqtasty.

Birinshi raýndta tóreshiler ırandyq boksshy basym dep tapty. Ekinshi kezeńde Nurqanat serpilis tanytty. Qorytyndy esep – 3:0, N.Raıystyń paıdasynda.

Osylaısha, taǵy eki boksshymyz fınalǵa ótti.

Eske sala keteıik, budan buryn Gúlsaıa Erjannyń Azııa chempıonatynyń fınalyna joldama alǵanyn, Azııa chempıonatynda búgin erlerden 12 qazaqstandyqtyń ½ fınalda shyǵatynyn jazǵan bolatynbyz.

Sondaı-aq qazaqstandyq boksshy qyzdardyń fınaldaǵy qarsylastary anyqtaldy.

Boksshy Sanjar Táshkenbaı jáne taǵy 2 qazaqstandyq Azııa chempıonatynyń fınalyna shyqty.

Alýa Balqybekova bokstan Azııa chempıony atandy.

Foto: kfb.kz