Bokstan Azııa chempıonatynda taǵy bir qazaqstandyq altyn medal aldy

NUR-SULTAN. QazAqparat - Iordanııa astanasy Amman qalasynda ótip jatqan bokstan jastar men jasóspirimder arasyndaǵy Azııa chempıonatynda taǵy bir altyn medal qorjynǵa tústi, dep habarlaıdy QazAqparat tilshisi.

El quramasynan Kuralaı Eginbaıqyzy (80 keli) úndistandyq Hýshı Pýnııamen qolǵap túıistirdi. Sharshy alań tórinde qazaqstandyq boksshynyń basymdyǵy baıqalyp turdy. Nátıjesinde tóreshiler sheshimimen ol qarsylasyn 4:1 esebimen tize búktirdi.

Eske salsaq, qurlyqtyq dodada 66 kelide synǵa túsken Arýjan Jańabaeva ıordanııalyq Nýha Al-Zýbıdiń osal tusyn tapty.

Aıta ketsek, buǵan deıin Karına Tokýbaı (50 keli) úndistandyq Vınıge, Uldana Taýbaı (60 keli) úndistandyq Nıkıta Chandqa, Nursulý Súıináli (63 keli) úndistandyq Shrýshtı Sachınge, Roksolona Valıeva (70 keli) ózbekstandyq Oısha Toırovaǵa, Shuǵyla Nálibaı (75 keli) úndistandyq Rýdrıka jol berip qoıdy.

Endi uldar arasynda alty boksshymyz sharshy alańǵa shyǵady.