Bokstan Azııa chempıonatynda segiz birdeı qazaqstandyq fınalǵa shyqty
ASTANA. 8 shilde. QazAqparat - Londonda ótken Olımpıadanyń kúmis júldegeri Ádilbek Nııazymbetov bokstan Azııa chempıonatynda ırandyq Ehsan Rýzbahanıdi jeńip, aqtyq synǵa joldama aldy, dep habarlaıdy Vesti.kz.
81 keli salmaqta synǵa túsken qazaqstandyq Ádilbek Nııazymbetov pen ırandyq Ehsan Rýzbahanıdiń arasyndaǵy kezdesý Nııazymbetovtyń jeńisimen aıaqtaldy. Úsh raýndtyń qorytyndysy boıynsha úsh tóreshiniń ekeýi jeńisti qazaqstandyq boksshyǵa bergen.
Eshan Rýzbahanı álemdik boks serııasynyń qazirgi chempıony. Astana Arlans klýbynyń quramynda ol atalǵan týrnırdiń úshinshi maýsymynda jeńimpaz atanǵan bolatyn. Londonda ótken Olımpıada kezinde qazaqstandyq boksshy Iran sportshysyna jartylaı fınalǵa ótýge múmkindik bermegen bolatyn, sondyqtan Nııazymbetov pen Rýzbahanıdiń arasynda óz esepteri de boldy. Dese de ırandyq boksshy Ádilbekten esesin qaıtara almady.
Chempıonattyń aqtyq synynda Nııazymbetov ózbek boks mektebiniń ókili Oıbek Mamazýlýnovpen kezdesedi.
Sonymen qatar keshki sessııa barysynda taǵy úsh qazaqstandyq fınalǵa joldama aldy: Berik Ábdrahmanov (60 kelige deıin), Danııar Eleýsinov (69 kelige deıin) jáne London Olımpıadasynyń qola júldegeri Ivan Dychko (91 keliden joǵary). Nátıjesinde qazaqstandyq on boksshynyń segizi Azııa chempıony tıtýly úshin tartysatyn bolady.
Esterińizge sala ketsek, osyǵan deıin fınalǵa Temirtas Júsiipov (49 kelige deıin),Mereı Aqshalov (64 kelige deıin), Jánibek Álimhanuly (75 kelige deıin) jáne Anton Pınchýk (91 kelige deıin) joldama alǵan bolatyn.
Fınaldyq kezdesýler búgin, 8 shilde kúni ótedi.
Bokstan Azııa chempıonatynyń fınaldyq juptarynyń tizimi
49 kelige deıin
Temirtas Júsipov (Qazaqstan) - Devendro Laıshram (Úndistan)
52 kelige deıin
Shahobıdın Zoırov (Ózbekstan) - Azat Ýsenalıev (Qyrǵyzstan)
56 kelige deıin
Shıva Thapa (Úndistan) - Obada Alkasbeh (Iordanııa)
60 kelige deıin
Berik Ábdrahmanov (Qazaqstan) - Saıl Ardı (Taıland)
64 kelige deıin
Mereı Aqshalov (Qazaqstan) - Mýnkh-Erden Ýranchımeg (Mońǵolııa)
69 kelige deıin
Danııar Eleýsinov (Qazaqstan) - Mandıp Djangra (Úndistan)
75 kelige deıin
Jánibek Álimhanýly (Qazaqstan) - Navrýz Djafoev (Tájikstan)
81 kelige deıin
Ádilbek Nııazymbetov (Qazaqstan) - Oıbek Mamazýlýnov (Ózbekstan)
91 kelige deıin
Anton Pınchýk (Qazaqstan) - Ihab Almatbýlı (Iran)
91 keliden joǵary
Ivan Dychko (Qazaqstan) - Izatýlla Ergashev (Ózbekstan)
