Bokstan Azııa chempıonatynda Rımma Volosenko júldesiz qaldy

ASTANA. QazAqparat – Iordanııanyń Amman qalasynda bokstan ótip jatqan Azııa chempıonatynda Rımma Volosenko jartylaı fınalǵa shyǵa almady, dep habarlaıdy QazAqparat tilshisi.

Ótken jylǵy Azııa chempıony R.Volosenko 60 kelige deıingi salmaqta mońǵolııalyq Nomın-Erdene Týgsjargamen qolǵap túıistirdi.

Qyzý ótken jekpe-jek barysynda boksshylar eskertý de aldy. R.Volosenko qarsylasyn eki ret nokdaýnǵa túsirdi. Qazylar 3:2 esebimen jeńisti mońǵolııalyq sportshyǵa berdi.

Budan buryn Qazaqstan qorjynyna segiz medal túsken edi. Jeksenbi kúni oǵan alty júlde qosyldy. Bul medaldar altyn, kúmis ne qola bola ma, ony aldaǵy jekpe-jekter kórsetedi.

Eske sala keteıik, budan buryn bokstan Azııa chempıonatynda Qazaqstan qorjynyna segizinshi medal túskenin jazǵan bolatynbyz.

Azııa chempıonatynda qazaqstandyq jeti boksshynyń synǵa túsetini habarlandy.

Azııa chempıonatynda Mahmýd Sabyrhan men Serik Temirjanov júlde aldy.

Buǵan deıin taǵy bir qazaqstandyq boksshy júldege ilikti.

Sondaı-aq, Sanjar Táshkenbaı júldegerler sapyna qosyldy.

Dýlat Bekbaýov jartylaı fınalǵa shyqty, al Alýa Balqybekova jartylaı fınalǵa ótti.