Bokstan Azııa chempıonatynda Nurbek Oralbaı jartylaı fınalǵa shyqty

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda qazaqstandyq Nurbek Oralbaı jartylaı fınalǵa shyqty, dep habarlaıdy QazAqparat tilshisi.

Búgin qazaqstandyqtardan úshinshi bolyp rıngke shyqqan jastar arasynda álem chempıony Nurbek Oralbaı 80 kelige deıingi salmaqta taılandtyq Veerapon Djongdjomen qolǵap túıistirdi.

Boılary shamalas qos boksshy bar ónerin salyp baqqanymen, Nurbektiń basymdylyǵy baıqaldy. Ekinshi raýndta qazaqstandyq boksshy eskertý alyp qaldy. Degenmen tóreshilerdiń basym daýsymen jeńis N.Oralbaıǵa berildi.

Sóıtip, Nurbek jartylaı fınalǵa ótip, júldegerler qataryna qosyldy.

Eske sala keteıik, budan buryn bokstan Azııa chempıonatynda Mahmýd Sabyrhan men Serik Temirjanovtyń júlde alǵanyn jazǵan bolatynbyz.

Sondaı-aq taǵy bir qazaqstandyq boksshy júldege ilikti.

Azııa chempıonatynda Sanjar Táshkenbaı júldegerler sapyna qosyldy.

Dýlat Bekbaýov jartylaı fınalǵa shyqty.

Azııa chempıonatynda Alýa Balqybekova jartylaı fınalǵa ótti.

Azııa chempıonatynda Rımma Volosenko júldesiz qaldy.

Bokstan Azııa chempıonatynda Qazaqstan qorjynyna 15-medal tústi.

Azııa chempıonatynda boksshy Nurqanat Raıys qarsylasyn nokaýtpen utty.

Foto: kfb.kz