Bokstan Azııa chempıonatynda ketken eseni qaıtarǵymyz keledi - bas bapker Qaırat Sátjanov

ASTANA. QazAqparat - Bokstan elimizdiń erler quramasynyń bas bapkeri Qaırat Sátjanov qazaqstandyq sportshylardyń Azııa chempıonatyna daıyndyǵy jóninde aıtyp berdi, dep habarlaıdy QazAqparat tilshisi.

Qurlyqtyq doda Iordanııa astanasy - Amman qalasynda 30 qazan men 13 qarasha aralyǵynda ótkiziledi.

Atalǵan týrnırde elimizdiń atynan Sanjar Táshkenbaı (48 keli), Sáken Bıbosynov (51 keli), Mahmýd Sabyrjan (54 keli), Serik Temirjanov (57 keli), Samaáli Tóltaev (60 keli), Sanatáli Tóltaev (63,5 keli), Dýlat Bekbaýov (67 keli), Aslanbek Shymbergenov (71 keli), Nurqanat Raıys (75 keli), Nurbek Oralbaı (80 keli), Saǵyndyq Toǵambaı (86 keli), Aıbek Oralbaı (92 keli), Qamshybek Qońqabaev (92 keliden joǵary) synǵa túsedi.

«Daıyndyq óte jaqsy ótip jatyr. QR MSM Sport jáne dene shynyqtyrý isteri komıteti, Sportty damytý dırektsııasy men Qazaqstan boks federatsııasy qoldaýymen bul maqsatta eshqandaı qıyndyq bolǵan joq. Boks - elimizde keń tanylǵan, únemi jankúıerler nazarynda bolatyn sport túri. Aldyńǵy qurlyq dodasynyń nátıjesin qoǵamnyń qalaı talqylap, synǵa alǵany əli esimizde. Dýbaıda erler quramasy altynsyz qalǵanyn bilesizder. Bıyl biz ese qaıtarǵymyz keledi. Maqsat - jalpy esepte kósh bastaý», - dedi Sportty damytý dırektsııasyna bergen suhbatynda bas bapker Qaırat Sətjanov.

Sondaı-aq, buǵan deıin atalǵan básekede el namysyn qorǵaıtyn Qazaqstan áıelder quramasynyń tizimi belgili boldy.

Ashyq kózderden alynǵan foto