Bokstan Azııa chempıonatynda Qazaqstan qorjynyna taǵy bir «qola» tústi

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Lázzat Kúngeıbaeva fınalǵa shyǵa almady, dep habarlaıdy QazAqparat tilshisi.

Álem chempıony, el quramasyndaǵy asa tájirıbeli boksshylardyń biri Lázzat Kúngeıbaeva jarysty birden jartylaı fınaldan bastady.

Lázzat asa aýyr salmaqta úndistandyq Alfııa Taranným Akrammen qolǵap túıistirdi.

Alǵashqy eki raýndta úndistandyq boksshynyń belsendiligi baıqaldy. Úshinshi kezeńde Lázzat qansha tyrysqanymen, eshteńe ózgerte almady. Jeńis úndistandyq sportshynyń enshisinde ketti – 0:5.

Osymen kúndizgi sessııa aıaqtaldy. Kúndizgi sessııada Qazaqstan namysyn qorǵaǵan tórt boksshynyń úsheýi qola júldemen shekteldi. Jalǵyz Jaına Shekerbekova ǵana fınalǵa shyqty. Endigi úmit keshki sessııada shyǵatyn boksshylarda.

Eske salaıyq, búgin Azııa chempıonatynda 9 qazaqstandyq boksshynyń jartylaı fınaldyq jekpe-jekteri ótetinin jazǵan bolatynbyz.

Nazym Qyzaıbaı Azııa chempıonatyn qola júldemen aıaqtady.

Jaına Shekerbekova fınalǵa shyqsa, Mádına Nurshaeva «qolany» qanaǵat tutty.