Bokstan Azııa chempıonatynda Qazaqstan qorjynyna segizinshi medal tústi
ASTANA. QazAqparat – Iordanııanyń Amman qalasynda bokstan ótip jatqan Azııa chempıonatynda Darıǵa Shákimova jartylaı fınalǵa shyqty, dep habarlaıdy QazAqparat tilshisi.
Rıo olımpıadasynyń qola júldegeri D.Shákimova bastapqy kezdesýin úndistandyq Pýdjamen ótkizdi.
Birinshi raýndta tóreshilerdiń tórteýi jeńisti úndistandyq boksshyǵa bergen. Degenmen Darıǵa tarazy basyn ózine aýdara bildi. Kerisinshe Darıǵa Shákimovany qaýsyra qushaqtaı bergen Pýdja eki ret eskertý aldy.
Osylaısha, D.Shákimova 70 kelige deıingi salmaqta jartylaı fınalǵa shyqty. Bul – keminde qola júlde qolda degen sóz.
Taǵy bir qazaqstandyq, el chempıony Aıda Ábikeeva 63 kelige deıingi salmaqta japonııalyq Kıto Maımen sheberlik baıqasty.
Bul jekpe-jek óte tartysty ótip, tóreshiler 3:2 esebimen jeńisti japonııalyq boksshyǵa berdi. Sóıtip A.Ábikeeva jartylaı fınalǵa shyǵa almaı, júldesiz qaldy.
Sonymen qatar búgin álem jáne Azııa chempıony Valentına Halzovanyń joly bolmady. Ol 75 kelige deıingi salmaqta úndistandyq Lovlına Borgohaınnan utylyp qaldy.
Eske sala keteıik, budan buryn Azııa chempıonatynda 19 jastaǵy Sanjar Táshkenbaıdyń ózbekstandyq boksshyny utqanyn jazǵan bolatynbyz.
Azııa chempıonatynda qazaqstandyq 6 boksshynyń rıngke shyǵatyny habarlandy.
Sondaı-aq Jazıra Oraqbaeva jartylaı fınalǵa joldama aldy.
Jaına Shekerbekova Azııa chempıonatynyń jartylaı fınalyna ótti.
Karına Ibragımova júldegerler qataryna qosyldy.
Sáken Bıbosynov Azııa chempıonatynyń jartylaı fınalyna shyqty.
Sáken Bıbosynov fınalǵa shyǵý úshin ózi sııaqty álem chempıony, japonııalyq Tomoıa Tsýboımen talasady.
