Bokstan Azııa chempıonatynda el namysyn kimder qorǵaıdy
QR Ulttyq Olımpıadalyq komıtetinen málim etkendeı, Taılandtyń Bangkok qalasynda ótetin qurlyqtyq dodasyna Qazaqstan tolyq qurammen qatysady.
El namysyn qorǵaıtyn sportshylar:
49 keli - Temirtas Júsipov
52 keli - Ánýar Muzaparov
56 keli - Qaırat Erálıev
60 keli - Zákir Safıýllın
64 keli - Sanatáli Toltaev
69 keli - Aslanbek Shymbergenov
75 keli - Tursynbaı Qulahmet
81 keli - Bek Nurmaǵanbet
91 keli - Vasılıı Levıt
+91 keli - Qamshybek Qońqabaev
«Azııa chempıonaty qarsańynda boksshylardyń barlyǵyna úlken mindet qoıyp otyrmyz. Barlyq salmaqta da júldege talasatyn bolamyz. Týrnır aldynda Almatyda qysqamerzimdi oqý-jattyǵý jıyny ótedi. Bári sátimen ótip jatsa, qurlyq dodasynan júldesiz qalmaımyz degen oıdamyn. Azııadaǵy bokstyń qarqyny joǵary ekenin bilesizder. Bizge Ózbekstan, Taıland, Úndistan, Fılıppın sportshylary basty qarsylas atanbaq. Sary qurlyq synynda álem chempıonatyna joldama jeńip alýǵa tyrysamyz», - dedi bas bapker Ǵalymbek Kenjebaev.