Bokstan Azııa chempıonatynda el namysyn kim qorǵaıdy
ASTANA. QazAqparat - Iordanııa astanasy - Amman qalasynda ótetin bokstan Azııa chempıonatynda el namysyn qorǵaıtyn quramanyń quramy belgili boldy, dep habarlaıdy QazAqparat tilshisi.
Elimizdiń erler quramasy qurlyqtyq dodaǵa qatysatyn bylǵary qolǵap sheberleriniń tizimin jarııalady. Olardyń qatarynda negizinen burynnan synǵa túsip júrgen sportshylar sany basym. Bapkerler bedeldi básekede 67 kelide Dýlat Bekbaýovqa senim artyp otyr. Jambyl oblysynyń ókili buǵan deıin el chempıonatynda top jarǵan. Jeke bapkeri - Nurlan Aqúrpekov.
Sondaı-aq, Olımpıadanyń qola, álem chempıonatynyń qos dúrkin kúmis júldegeri Qamshybek Qońqabaev ta qurlyqtyq doda básekesine qatysady. Ol buǵan deıin 2017, 2019, 2021 jyldarda Azııa chempıonatynda ekinshi oryn alǵan edi.
Qurlyqtyq dodada olardan ózge Sanjar Táshkenbaı (48 keli), Sáken Bıbosynov (51 keli), Mahmýd Sabyrjan (54 keli), Serik Temirjanov (57 keli), Samaáli Tóltaev (60 keli), Sanatáli Tóltaev (63,5 keli), Aslanbek Shymbergenov (71 keli), Nurqanat Raıys (75 keli), Nurbek Oralbaı (80 keli), Saǵyndyq Toǵambaı (86 keli), Aıbek Oralbaı (92 keli) qurama sapyna qabyldandy.
Eske salsaq, buǵan deıin atalǵan básekede el namysyn qorǵaıtyn Qazaqstan áıelder quramasynyń tizimi belgili boldy.
Azııa chempıonaty 30 qazan men 13 qarasha aralyǵynda ótkiziledi.
Foto: nova.rs
