Bokstan Azııa chempıonatyna qatysatyn Qazaqstan áıelder quramasynyń quramy anyqtaldy
ASTANA. Mamyrdyń 17-i. QazAqparat /Murat Jakeev/ - Kele jatqan bokstan Azııa chempıonatyna qatysatyn áıelder quramasynyń quramy anyqtaldy, dep habarlaıdy Qazaqstan boks federatsııasynyń baspasóz qyzmeti.
«Mańyzdy sporttyq sharaǵa sońǵy oqý-jattyǵý barysynda ótken demalys kúnderi bolǵan sparrıng-saıystarynyń nátıjesi boıynsha Azııa chempıonatyndaǵy bizdiń quramanyń quramy anyqtaldy», - dep habarlandy boks federatsııasynyń taratqan aqparatynda.
Qazaqstandyq quramanyń alǵashqy qataryn óz salmaq sanatynyń úzdikteri bastady: Nazgúl Boranbaeva (48 kg), Saıda Hasenova (64 kg), ıÝldýz Mamatqulova (81 kg joǵary) jáne basqalar.
«Bizdiń quramanyń daıyndyǵyn joǵary deńgeıde deýge bolady. Eldiń bas komandasynyń quramyna engen boksshylardyń kóbi respýblıka chempıondary jáne halyqaralyq saıystardyń júldegerleri bolyp tabylady. Bizdiń josparymyzǵa sáıkes daıyndyq júrgizýge múmkindik bergen Qazaqstan boks federatsııasynyń qoldaýyn atap ótkim keledi», - dedi Qazaqstan quramasynyń bas bapkeri Vadım Prısıajnıýk.
Áıelder arasyndaǵy bokstan Azııa chempıonaty Astana qalasynda mamyrdyń 23-i men 31-i aralyǵynda ótedi. Týrnırge qatysýǵa álemniń 22-den astam memleketinen komandalar keledi.
Qazir bokstan Qazaqstan quramysy Aqmola oblysy Şýchınsk qalasynda Azııa chempıonatyna sońǵy jattyǵýlaryn júrgizýde.
