Bokstan Azııa chempıonaty: Júsipov jartylaı fınalǵa shyǵýdan bas tartty

NUR-SULTAN. QazAqparat - Taılandta ótip jatqan bokstan Azııa chempıonatynda qazaqstandyq boksshy Temirtas Júsipov qola medaldi qanaǵat tutty, dep habarlaıdy QazAqparat tilshisi.

Búgin bokstan jartylaı fınaldyq jekpe-jekter bastaldy. Ókinishke qaraı, 49 keli salmaqta el namysyn qorǵap jatqan Temirtas Júsipov jaraqatyna baılanysty jartylaı fınalǵa shyqqan joq. Sol sebepti ol qola medalǵa ıelik etti. Onyń qarsylasy úndistandyq Dıpak bolatyn.

Osyǵan deıin habarlaǵanymyzdaı, «Sary qurlyq» dodasynda jartylaı fınalǵa 11 boksshymyz ótti.

Naqtyraq aıtar bolsaq, erlerden - 7, al áıelder quramynan 4 boksshy ½ fınalda synǵa túsedi.

Erler:

49 keli. Temirtas Júsipov - Dıpak (Úndistan)

60 keli. Zákir Safıýllın - Shıva Thapa (Úndistan)

64 keli. Sanatáli Toltaev - Bahodır Ýsmonov (Tájikstan)

75 keli. Tursynbaı Qulahmet - Nursahat Pazzyev (Túrkmenstan)

81 keli. Bek Nurmaǵanbet - Erkın Adylbek ýýlý (Qyrǵyzstan)

91 keli. Vasılıı Levıt - Kım Hen Kıý (Ońtústik Koreıa)

+91 keli. Qamshybek Qońqabaev - Satısh Kýmar (Úndistan)

Áıelder:

64 keli. Mılana Safronova - Dan Dý (Qytaı)

69 keli. Darıǵa Shákimova -Nıen Chın Chen (Qytaı)

81 keli. Farıza Sholtaı - Pýdja Ranı (Úndistan)

+81 keli. Lázzat Kúngeıbaeva - Sıaolı ıAng (Qytaı).