Bokstan Azııa chempıonaty: Taǵy bir qazaqstandyq álem chempıonyn utyp, fınalǵa shyqty

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Mahmýd Sabyrhan fınalǵa shyqty, dep habarlaıdy QazAqparat tilshisi.

Dúnıejúzilik birinshiliktiń kúmis júldegeri Mahmýd Sabyrhan 54 kelige deıingi salmaqta ózbekstandyq, álem chempıony Shahzod Mýzafarovpen sheberlik baıqasty.

Mahmýd básekeni qyzý bastap, birinshi raýndta ústemdigin kórsetti. Ekinshi kezeńde Sh.Mýzafarov referıden eskertý de aldy. Úshinshi raýndta Mahmýd sol qarqynynan tanǵan joq. Tóreshiler bir aýyzdan jeńisti Mahmýd Sabyrhanǵa berdi – 5:0.

Osylaısha, álem chempıonyn joldan taıdyrǵan Mahmýd Sabyrhan da fınalǵa joldama aldy.

Eske sala keteıik, budan buryn Gúlsaıa Erjannyń Azııa chempıonatynyń fınalyna joldama alǵanyn, Azııa chempıonatynda búgin erlerden 12 qazaqstandyqtyń ½ fınalda shyǵatynyn jazǵan bolatynbyz.

Sondaı-aq qazaqstandyq boksshy qyzdardyń fınaldaǵy qarsylastary anyqtaldy.

Boksshy Sanjar Táshkenbaı Azııa chempıonatynyń fınalyna shyqty.

Foto: kfb.kz