Bokstan Azııa chempıonaty: Saǵyndyq Toǵambaı qarsylasyn eki ret nokdaýnǵa jiberdi

ASTANA. QazAqparat – Iordanııa astanasy Amman qalasynda ótip jatqan bokstan Azııa chempıonatynda qazaqstandyq Saǵyndyq Toǵambaı bastapqy jekpe-jegin sátti ótkizdi, dep habarlaıdy QazAqparat tilshisi.

Jastar arasynda úsh márte Azııa chempıony S.Toǵambaı 86 kelige deıingi salmaqta tájikstandyq Navrýz Djafoevpen rıngke shyqty.

Qarsylasyna qaraǵanda, Saǵyndyq tez qımyldap, boıynyń da, qolynyń uzyndyǵyn paıdalana bildi. Sheberliginiń basym ekendigin aıqyn tanyta aldy. Tipti úshinshi raýndta tájikstandyq boksshyny eki ret nokdaýnge jiberdi. Tóreshiler esebi – 5:0.

Osylaısha, S.Toǵambaı da jartylaı fınalǵa joldama aldy.

Eske sala keteıik, budan buryn bokstan Azııa chempıonatynda Dýlat Bekbaýovtyń jartylaı fınalǵa shyqqanyn jazǵan bolatynbyz.

Sondaı-aq Alýa Balqybekova jartylaı fınalǵa ótti.

Al Rımma Volosenko júldesiz qaldy.

Nurqanat Raıys qarsylasyn nokaýtpen utyp, 1/2 fınalǵa joldama aldy.

Aslanbek Shymbergenov pen Nurbek Oralbaı da jartylaı fınalda.

Búgin júldegerler qataryna Nazym Qyzaıbaı qosyldy.

Foto: kfb.kz