Bokstan Azııa chempıonaty: Qazaqstandyq qyzdar jalpy komandalyq esepte jeńimpaz atandy

NUR-SULTAN. QazAqparat - Bokstan Birikken Arab ámirliginiń Dýbaı qalasynda ótken Azııa birinshiliginde Qazaqstan qyzdar quramasy on salmaqtyń segizinde altyn, bir-birden kúmis pen qola medal aldy.

Osylaısha jalpy komandalyq esepte birinshi oryn aldy, dep habarlaıdy QazAqparat tilshisi.

Aıta keteıik, qazaqstandyq qurama sapynan Alýa Balqybekova (48 keli), Nazym Qyzaıbaı (51 keli), Dına Jolaman (54 keli), Rımma Volosenko (60 keli), Mılana Safronova (64 keli), Valentına Halzova (69 keli), Farıza Joltaı (81 keli) men Lázzat Kúngeıbaeva (81 keliden joǵary) altyn medal aldy.

Al Valentına Kýhta (57 keli) kúmis júldeni qanaǵat tutty. Oǵan qosa Marına Volnova (75 keli) el quramasyna qola medal syılady.

Qurlyqtyq dodada ózbekstandyq boksshy qyzdar bir altyn, bes kúmis pen eki qola medal aldy. Al úndistandyq boksshylar bir altyn, úsh kúmis jáne alty qolaǵa qol jetkizdi.

Quramalardyń medal alý kórsetkishi tómendegishe:

1. Qazaqstan - 8-1-1

2. Ózbekstan - 1-5-2

3. Úndistan - 1-3-6

4. Indonezııa - 0-1-0

5. Mońǵolııa - 0-0-3

6. Tájikstan - 0-0-2

7. Fılıppın - 0-0-1

8. Shrı-Lanka - 0-0-1

9. Kýveıt - 0-0-1

10. BAÁ - 0-0-1.