Bokstan Azııa chempıonaty: Qazaqstandyq qyzdar 4 altyn, 1 kúmis medal jeńip aldy
Ulttyq Olımpıada komıtetiniń málimetterine qaraǵanda, búgin qazaqstandyq boksshy qyzdar Qazaqstan qorjynyna 4 altyn jáne bir kúmis medal saldy.
Qazaqstan quramasynan alǵash bolyp sharshy alańǵa shyqqan Alýa Balqybekova Qazaqstan qorjynyna birinshi jáne alǵashqy altyn medaldy saldy. Alýa fınaldyq básekede ózbekstandyq Gúlsaıa Sultanálıevany jeńdi.
Ekinshi «altyndy» Qazaqstan quramasyna 51 keli salmaqta synǵa túsken Nazym Qyzaıbaı alyp berdi. Nazym fınalda álemniń 6 dúrkin chempıony, úndistandyq Merı Komdy 4:1 esebimen jeńdi.
Úshinshi «altyndy» 54 kelide synǵa túsken boksshy arý Dına Jolaman aldy. Ol fınaldyq kezdesýde ózbekstandyq Sıtor Shogdarovany tize búktirdi.
Al fınalda 60 keli salmaqta óner kórsetken Vladıslava Kýhta ózbekstandyq Sıtora Turdybekovaǵa 0:5 esebimen jol berip, kúmis medaldy qanaǵat tutýǵa májbúr boldy.
64 keli salmaqta baǵyn synaǵan Rımma Volosenko qarsylasyn merziminen buryn jeńip, Qazaqstan qorjynyna 4-shi altyn medaldy saldy.
