Bokstan Azııa chempıonaty: Qazaqstandyq boksshylardyń alǵashqy qarsylastary belgili boldy
NUR-SULTAN. QazAqparat - Bokstan Azııa chempıonatynda erler arasyndaǵy qazaqstandyq sportshylardyń alǵashqy qarsylastary belgili boldy, dep habarlaıdy QazAqparat tilshisi.
Esterińizge sala ketelik , atalǵan týrnır Birikken Arab Ámirliginiń Dýbaı qalasynda ótkiziledi. Oǵan elimizdiń atynan barlyq salmaqtaǵy boksshylar qatysady.
Qazaqstandyq Danıal Sábıt (49 keli) alǵashqy jekpe-jeginde ındonezııalyq Mark Lester Dıýrenspen qolǵap túıistirse, Sáken Bıbosynov (52 keli) qyrǵyzstandyq Azat Úsenálıevpen sharshy alańǵa shyǵady. Al Mahmýd Sabyrhan (56 keli) úndistandyq Mohammed Hýssam Ýddın, Serik Temirjanov (60 keli) ırandyq Danııal Shahbahsh, Zakır Safıýllın (64 keli) Ashkan Rezaı, Abylaıhan Júsipov (69 keli) BAÁ-niń ókili Hýseın Al-Kandarı, Ábilhan Amanqul (75 keli) kýveıttik Saıd Abass Al-Bahranımen sheberlik baıqasady. Al Bekzat Nurdáýletov (81 keli) ırandyq Meısam Geshlagı jáne úndistandyq Sýmıt Sangvan, Vasılıı Levıt (91 keli) úndistandyq Ehsan Rýzbahanı men kýveıttik Saltan Al-Shammarı juptarynyń jeńimpazdarymen kezdesedi. Sondaı-aq, 91 keliden joǵary salmaqta Qamshybek Qońqabaev úndistandyq Narendermen qolǵap túıistiredi.
Azııa chempıonaty 24 mamyrda bastalyp, 31 mamyrda máresine jetedi.
