Bokstan Azııa chempıonaty: Qazaqstan qorjynyna 15-medal tústi

ASTANA. QazAqparat – Iordanııanyń Amman qalasynda bokstan ótip jatqan Azııa chempıonatynda qazaqstandyq Aslanbek Shymbergenov jartylaı fınalǵa shyqty, dep habarlaıdy QazAqparat tilshisi.

Jarystyń jetinshi kúni ulttyq qurama kapıtany Aslanbek Shymbergenov (71 kg) úndistandyq Sachınmen judyryqtasty.

Úsh raýnd boıy ábjil qımyldap, dál soqqylaryn jumsaǵan Aslanbek tóreshiler sheshimimen jeńiske jetti – 4:1.

Osylaısha, ol jartylaı fınalǵa ótip, el qorjynyna 15-medaldi saldy.

A.Shymbergenov bastapqy jekpe-jeginde fılıppındik Marjon Pıanıardy nokaýtpen jeńgen edi.

Búgin sondaı-aq kúndizgi sessııada Nurqanat Raıys (75 kg) qyrǵyzstandyq Saǵyn Satybaldy ýýlýmen, Nurbek Oralbaı (80 kg) taılandtyq Veerapon Djongdjomen, eki dúrkin álem chempıony Nazym Qyzaıbaı (50 kg) mońǵolııalyq Mýngýnsaran Balsanmen qolǵap túıistiredi.

Saǵat 21.00-ge belgilengen keshki sessııada úshinshi jupta Saǵyndyq Toǵaıbaı (86 kg) tájikstandyq Navrýz Djafoevpen rıngke shyǵady. Aıbek Oralbaı (92 kg) úndistandyq Navın Kýmarmen, 2020 jylǵy Olımpıada oıyndarynyń qola júldegeri Qamshybek Qońqabaev asa aýyr salmaqta ońtústikkoreıalyq Do Hen Kımmen jartylaı fınal joldamasyn sarapqa salady.

Eske sala keteıik, budan buryn bokstan Azııa chempıonatynda Mahmýd Sabyrhan men Serik Temirjanovtyń júlde alǵanyn jazǵan bolatynbyz.

Sondaı-aq taǵy bir qazaqstandyq boksshy júldege ilikti.

Azııa chempıonatynda Sanjar Táshkenbaı júldegerler sapyna qosyldy.

Dýlat Bekbaýov jartylaı fınalǵa shyqty.

Azııa chempıonatynda Alýa Balqybekova jartylaı fınalǵa ótti.

Azııa chempıonatynda Rımma Volosenko júldesiz qaldy.

Foto: kfb.kz