Bokstan Azııa chempıonaty: Qazaqstan áıelder quramasy 2-oryn aldy

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Qazaqstan áıelder quramasy medal sany jóninen ekinshi orynǵa ıe boldy, dep habarlaıdy QazAqparat tilshisi.

Qazaqstandyq qyzdar 3 altyn, 1 kúmis jáne 5 qola júldemen marapattaldy.

Alýa Balqybekova (48 kg), Jaına Shekerbekova (54 kg) jáne Karına Ibragımova (57 kg) altyn alsa, Gúlsaıa Erjan (81 kg) kúmispen kúpteldi.

Sondaı-aq Nazym Qyzaıbaı (50 kg), Jazıra Oraqbaeva (52 kg), Mádına Nurshaeva (66 kg), Darıǵa Shákimova (70 kg) jáne Lázzat Kúngeıbaeva (+81 kg) qola medaldi qanaǵat tutty.

Medaldar jóninen Úndistan qyzdary kósh bastasa, japonııalyqtar úzdik úshtikti túıindedi.

Áıelder arasynda 2022 jylǵy Azııa chempıonatynyń medaldar esebi:

1.Úndistan — 4-1-2

2.Qazaqstan — 3-1-5

3.Japonııa — 1-4-0

4.Ońtústik Koreıa — 1-1-4

5.Ózbekstan — 1-1-1

6.Taıvan — 1-0-2

7.Vetnam — 1-0-1

8.Taıland — 0-2-1

9.Monǵolııa — 0-1-4

10.Iordanııa — 0-1-1

11.Fılıppıny — 0-0-2.

Medal básekesi erteń erler arasynda ótetin fınaldyq jekpe-jekterde de qyza túsetin bolady. Munda qazaqstandyqtardyń negizgi qarsylastary ózbekstandyqtar bolmaq. Fınalǵa Qazaqstannan toǵyz, Ózbekstannan jeti boksshy joldama alsa, solardyń beseýi ózara myqtyny anyqtaıdy.

Eske sala keteıik, budan buryn Azııa chempıonatynda Aıbek Oralbaıdyń Qazaqstannan toǵyzynshy bolyp fınalǵa shyqqanyn jazǵan edik.

Sondaı-aq erlerden fınalǵa shyqqan toǵyz qazaqstandyqtyń beseýi ózbekstandyqtarmen kezdesedi. Bokstan Azııa chempıonatynda qazaqstandyqtardyń fınaldyq jekpe-jekteriniń kestesi jarııalandy.

Jaıne Shekerbekova el qorjynyna ekinshi altyndy saldy. Karına Ibragımova fınalda olımpıada chempıonyn utyp, jeńimpaz atandy. Gúlsaıa Erjan Azııanyń kúmis medal aldy.

Ashyq kózderden alynǵan foto