BOKSTAN AZIıA ChEMPIONATY: Qaırat Erálıev jartylaı fınalǵa shyqty (FOTO)
ASTANA. QazAqparat - Bokstan Azııa chempıonatynyń shırek fınalynda álem chempıonatynyń qola júldegeri, qazaqstandyq boksshy Qaırat Erálıev (56 keli) óziniń qarsylasyn jeńdi, dep habarlaıdy Qazaqstan boks federatsııasynan.
Ol mońǵol boksshysy Iderhýý Enkhdjargnalmen judyryqtasqan edi. Qaırat Erálıev qarsylasynan 3:0 esebimen basym tústi. Osylaısha, ol Azııa chempıonatynyń jartylaı fınalyna shyǵýymen ózine saıys medalin qamtamasyz etti. Sondaı-aq taǵy bir qazaqstandyq boksshy Vasılıı Levıt (91 keli) atalmysh dodada ıordanııalyq Mahmýd Almatbýlıden basym túsip, jeńiske qol jetkizdi. Ókinishke oraı, Jánibek Álimhanuly (75 keli) óziniń qarsylasy ózbekstandyq Bektemir Melıkýzıevten utylyp qaldy. Eske salaıyq, 25 tamyz-5 qyrkúıek aralyǵynda Taılandta bokstan Azııa chempıonaty ótip jatyr.
