Bokstan Azııa chempıonaty: Qamshybek Qońqabaev sońǵy aıqasqa joldama aldy

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Qamshybek Qońqabaev fınalǵa joldama aldy, dep habarlaıdy QazAqparat tilshisi.

Tokıo olımpıadasynyń qola júldegeri, álem chempıonatynda eki márte kúmis alǵan Qamshybek Qońqabaev asa aýyr salmaqta jartylaı fınalda tájikstandyq Mýhammad Abrorıdınovpen qolǵap túıistirdi.

Qarsylasynyń uzyn bolǵanyna qaramastan, Qamshybek dál shabýyldap, óziniń sheberligi basym ekendigin anyq tanyta bildi. Qazaqstandyq boksshynyń jeńgenine tóreshiler de esh kúmán keltirgen joq – 5:0.

Taǵy bir qazaqstandyq Saǵyndyq Toǵambaı 86 kelige deıingi salmaqta ıordanııalyq Odaı Rııad Adealhındavımen qolǵap túıistirdi.

Bul básekede tóreshiler jeńisti sharshy alańnyń ıesine berdi – 5:0.

S.Toǵambaı qola júldeni qanaǵat tutty.

Osylaısha, kúndizgi sessııada jeti boksshynyń beseýi fınalǵa shyqty. Oǵan qosa keshki sessııada shyǵýy tıis Serik Temirjanov ta bokstaspastan joldama ıesi atandy.

Keshki sessııada taǵy tórt boksshy óner kórsetedi.

Eske sala keteıik, budan buryn Gúlsaıa Erjannyń Azııa chempıonatynyń fınalyna joldama alǵanyn, Azııa chempıonatynda búgin erlerden 12 qazaqstandyqtyń ½ fınalda shyǵatynyn jazǵan bolatynbyz.

Sondaı-aq qazaqstandyq boksshy qyzdardyń fınaldaǵy qarsylastary anyqtaldy.

Boksshy Sanjar Táshkenbaı jáne taǵy 3 boksshy fınalǵa shyqty.

Alýa Balqybekova bokstan Azııa chempıony atandy.

Bokstan Azııa chempıonatynda taǵy eki qazaqstandyq boksshy fınalǵa ótti.