Bokstan Azııa chempıonaty: Qamshybek Qońqabaev kúmis júlde aldy

NUR-SULTAN. QazAqparat - Qazaqstan quramasy Taıland astanasy Bangkokte ótip jatqan bokstan Azııa chempıonatynda sońǵy fınaldyq jekpe-jegin ótkizdi, dep habarlaıdy QazAqparat.

Asa aýyr salmaqtaǵy Qamshybek Qońqabaev fınaldyq synda ózbekstandyq Bahodır Jalolovpen judyryqtasty. Qortyndysynda, tóreshiler jeńisti ózbek boksshysyna tıesili dep sheshim qabyldap, otandasymyz kúmis júldeger atandy.

Aıta keteıik, buǵan deıin bokstan Azııa chempıonatyna 4 qazaqstandyq boksshy fınalǵa joldama alǵanyn habarlaǵan bolatynbyz.

Alǵashqy bolyp óner kórsetken 60 keli salmaqtaǵy Zákir Safıýllın kúmis medal jeńip alsa, 75 jáne 81 keli salmaqta el namysyn qorǵaǵan Tursynbaı Qulahmet pen Bek Nurmaǵanbet el qorjynyna eki altyn medal saldy.