Bokstan Azııa chempıonaty: Búgin rıngke Nazym Qyzaıbaı shyǵady

ASTANA. QazAqparat - Iordanııa astanasy Amman qalasynda ótip jatqan Azııa chempıonatynda búgin bir boksshymyz alǵashqy jekpe-jegin ótkizedi, dep habarlaıdy QazAqparat tilshisi.

Áıelder quramasynan Nazym Qyzaıbaı 3 qarashada taılandtyq Raksat Chýthamatpen qolǵap túıistiredi.

Nazym Qyzaıbaı 1993 jyly dúnıege kelgen. 2012 jylǵy álem chempıonatynda qola júldeger atansa, 2014, 2016 jyldarda altynnan alqa taqty.

2021 jyly Azııa chempıonatynda jeńis tuǵyryna kóterildi.

Aıta keteıik, 2 qarashada el quramasynan úsh boksshymyz synǵa tústi. Olardyń qatarynan Sáken Bıbosynov (51 keli), Serik Temirjanov (57 keli) jarysty jalǵastyrýǵa múmkindik aldy.

Al Sanatáli Tóltaev (63,5 keli) jarys jolynan shyǵyp qaldy.

Azııa chempıonaty 13 qarashaǵa deıin jalǵasady.