Bokstan Azııa chempıonaty: Búgin erler arasynda 6 qazaqstandyq qarsylastarymen kezdesedi

NUR-SULTAN. QazAqparat - Bokstan Birikken Arab ámirliginiń Dýbaı qalasynda ótip jatqan Azııa chempıonatynda búgin erler arasynda jartylaı fınal oıyndary bolady, dep habarlaıdy QazAqparat tilshisi.

Eske salsaq, jarystyń atalǵan satysynda elimizdiń atynan alty bylǵary qolǵap sheberi synǵa túsedi. Jartylaı fınalda alǵashqy bolyp Danııal Sábıt (49 keli) fılıppındik Mark Lester Dıýrenspen qolǵap túıistiredi. Odan keıin 52 kelide Sáken Bıbosynov Amıt Pangalmen sharshy alańǵa shyqsa, Abylaıhan Júsipov (69 keli) mońǵolııalyq Battómór Mısheeltpen kezdesedi.

Al 75 kelide Ábilhan Amanqul ırandyq Seıedshahın Mýsavımen sheberlik baıqassa, 91 kelide Vasılıı Levıt qyrǵyzstandyq Rýstam Yrysbek ýýlmen taıtalasqa túsedi. Ulttyq qurama kapıtany Qamshybek Qońqabaev (91 keli) ırandyq Pýrıa Amırımen kezdesedi.

Atalǵan jekpe-jekter Qazsport telearnasynan tikeleı efırde kórsetiledi.

Eske salsaq, budan buryn qyzdar arasynda jartylaı fınal jekpe-jekteri ótkizildi.