Bokstan Azııa chempıonaty: bizdiń jasóspirimder qorjynynda 5 altyn medal!
ASTANA. QazAqparat - Bizdiń jasóspirimder Azııa chempıonatynda 5 altyn, bir kúmis jáne 5 qola medaldardy jeńip aldy, dep habarlady Qazaqstandyq boks federatsııasynyń baspasóz qyzmeti.
Tashkentte ótken altyn júlde úshin ótken fıanldyq saıystarda qurlyqtyń jańa chempıondarynyń esimderi ataldy.
Qazaqstan jalpy komandalyq esepte Ózbekstan komandasynan keıin ekinshi orynǵa ıe boldy. Chempıonat qojaıyndary ózderiniń daıarlyǵynyń joǵary deńgeıin kórsetti. Ózbek sportshylary fınalda 13 salmaq sanatynyń barlyǵyna da qatysty.
Qazaqstandyq Álibek Dosanov (46 keli), Dáýlet Nysan (50 keli), Sanatalı Toltaev (54 keli), Abylaı Ibraımov (60 keli) jáne Aldııar Túrsynálı (60 keli) Azııa chempıondary atandy.
Kúmis medalǵa Hýrshedshoh Iskandarov (80 keli) ıe boldy.
Qola júldelerge Rahat Seıitjan (48 keli), Aıbol Jańbyrbaı (63 keli), Dáýlet Zaýshev (70 keli), Elhan Tabynbaı (75 keli) jáne Nurdáýlet Ulanuly (+80 keli) qol jetkizdi.
