Bokstan Azııa chempıonaty: Aıbek Oralbaı qarsylasyn aıqyn basymdylyqpen jeńdi

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda qazaqstandyq Aıbek Oralbaı qarsylasyn aıqyn basymdylyqpen jeńdi, dep habarlaıdy QazAqparat tilshisi.

2018 jylǵy jasóspirimder olımpıadasynyń jeńimpazy, jastar arasynda álem chempıonatynyń kúmis júldegeri A.Oralbaı 92 kelige deıingi salmaqta úndistandyq Navın Kýmarmen baq synasty.

Aıbek birinshi raýndta-aq qarsylasyn nokdaýnǵa túsirdi. Ekinshi kezeńde tóreshi taǵy eki nokdaýndy eseptedi. Tóreshiler de bir aýyzdan jeńisti qazaqstandyq boksshyǵa berdi – 5:0.

Osylaısha, jartylaı fınalǵa shyqqan A.Oralbaı Qazaqstan jeńip alǵan medal sanyn 20-ǵa jetkizdi.

Qazaqstan úshin shırek fınaldyq jekpe-jekterdi Tokıo olımpıadasynyń qola júldegeri, álem chempıonatynyń eki dúrkin fınalısi Qamshybek Qońqabaev túıindeıdi. Ol ońtústikkoreıalyq Do Hen Kımmen rıngke shyǵady.

Eske sala keteıik, budan buryn bokstan Azııa chempıonatynda Dýlat Bekbaýovtyń jartylaı fınalǵa shyqqanyn jazǵan bolatynbyz.

Sondaı-aq Alýa Balqybekova jartylaı fınalǵa ótti.

Al Rımma Volosenko júldesiz qaldy.

Nurqanat Raıys qarsylasyn nokaýtpen utyp, 1/2 fınalǵa joldama aldy.

Aslanbek Shymbergenov pen Nurbek Oralbaı da jartylaı fınalda.

Júldegerler qataryna Nazym Qyzaıbaı qosyldy.

Búgin Nurbek Oralbaı jartylaı fınalǵa shyqty.

Saǵyndyq Toǵambaı qarsylasyn eki ret nokdaýnǵa jiberdi.