Bokstan Azııa chempıonatynyń júldegerlerin jankúıerler áýejaıdan qarsy aldy

ASTANA. KAZINFORM – Elordalyqtar Astana halyqaralyq áýejaıynda bokstan Azııa chempıony Aıbek Oralbaı men kúmis júldeger Sanjar Táshkenbaıdy saltanatty túrde qarsy aldy, dep habarlaıdy qala ákimdiginiń resmı saıty. 

Bokstan 29 qarasha men 11 jeltoqsan aralyǵynda Taıland Koroldiginiń Chıangmaı qalasynda ótken Azııa chempıonatynda qazaqstandyq sportshylar 10 altyn, 4 kúmis, 6 qola jeńip aldy. Olardyń arasynda elordalyq Aıbek Oralbaı men Sanjar Táshkenbaı da bar. 

«Kóktemde Olımpıadaǵa daıyndyq maqsatynda Astanada ótken Elorda Cup halyqaralyq týrnırinde alǵash ret +92 kelide óner kórsetken edim. Endi, mine, Azııa chempıonatynda osy salmaqqa kóterilip, top jardym. Qatelikterimdi baıqadym. Aldaǵy ýaqytta taǵy tynbaı jattyǵyp, 2028 jylǵy Los-Andjeles Olımpıadasynda birinshi nómir ekenimdi dáleldeýge tyrysamyn», - dedi ulttyq quramanyń kapıtany Aıbek Oralbaı.

Eske sala keteıik, buǵan deıin bokstan Azııa chempıonatynda Qazaqstan quramasy neshinshi oryn alǵanyn jazǵan edik.