Bokstan Azııa chempıonatynda asa aýyr salmaqta tórt qazaq synǵa túsip jatyr

Bul jóninde Qazaqstan boks federatsııasy málim etti. 

Elimizdiń atynan bul salmaqta Aıbek Oralbaı sharshy alańǵa shyǵady. Sondaı-aq oǵan qarsylas retinde Beknur Qalı (Mońǵolııa), Qytaı quramasyndaǵy etnıkalyq qazaq Danabek Baıqonys (Qytaı) jáne Arman Mahanov (Ózbekstan) belgilengen.

Endi Aıbek Oralbaı shırek fınalda ózbekstandyq Arman Mahanovpen qolǵap túıistiredi. Arman irikteý kezeńinde Beknur Qalıdy qapy qaldyrdy. 

Aıbek pen Armannyń jekpe-jegi 4 sáýirge belgilengen. Jeńimpaz jartylaı fınalǵa joldama alady. Ekeýi ázirge bir-birimen sharshy alańda kezdesip kórgen emes.

Aıbek Oralbaı 2000 jyly 11 maýsymda dúnıege kelgen. 2025 jyly álem chempıony atansa, 2022, 2024 jyldary Azııa chempıonatynda altyn aldy. 

Qurlyqtyq dodaǵa erler quramasy sapynda Aıbekten ózge Sanjar Táshkenbaı (50 keli), Mahmud Sabyrhan (55 keli), Orazbek Asylqulov (60 keli), Tórehan Sabyrhan (70 keli), Sabyrjan Aqqalyqov (75 keli), Erasyl Jaqpekov (80 keli), Nurbek Oralbaı (85 keli), Saǵyndyq Toǵambaı (90 keli) jáne Aıbek Oralbaı (90 keliden joǵary) bardy.

Qazir olardyń arasynan Orazbek Asylqulov (60 keli), Ertýǵan Zeınýllınov alǵashqy jekpe-jegin sátti ótkizip, shırek fınalǵa deıin joldama aldy.

Qurlyqtyq doda 10 sáýirge deıin sozylady. Onda elimizdiń atynan barlyǵy 20 boksshy (erler — 10, áıelder -10) attandy. 

Qazir olardyń arasynan Jazıra Oraqbaeva (51 keli, Elına Bazarova (54 keli), Rımma Volosenko (60 keli) jarys jolynan shyǵyp qaldy.

Eldos Saıdalın jetekshiligimen qurlyqtyq dodaǵa elimizden ááıelder quramasynda Rımma, Jazıra men Elınadan ózge Áıgerim Sáttibaeva (48 keli), Uljan Sársenbek (57 keli), Laýra Esenkeldi (65 keli), Baqyt Seıdish (70 keli), Valentına Halzova (75 keli), Nadejda Rıabets (80 keli) jáne Dına Islambekova (80 keliden joǵary) el namysyn qorǵaýǵa múmkindik aldy.