Bokstan Azııa chempıonatyna baratyn Qazaqstan erler quramasy anyqtaldy
ASTANA. KAZINFORM — World Boxing aıasynda Mońǵolııada ótetin Azııa chempıonatynda baq synaıtyn Qazaqstan erler quramasy belgili boldy.
Bas bapker Nurjan Nysanov negizinen tájirıbeli bylǵary qolǵap sheberlerine senim artty.
Olardyń qatarynda Sanjar Táshkenbaı (50 keli), Mahmud Sabyrhan (55 keli), Orazbek Asylqulov (60 keli), Ertýǵan Zeınýlınov (65 keli), Tórehan Sabyrhan (70 keli), Sabyrjan Aqqalyqov (75 keli), Erasyl Jaqpekov (80 keli), Nurbek Oralbaı (85 keli), Saǵyndyq Toǵambaı (90 keli) jáne Aıbek Oralbaı (90 keliden joǵary) bar.
Qurlyqtyq doda 30 naýryz-10 sáýir aralyǵynda Mońǵolııa astanasy Ýlan-Bator qalasynda ótedi.
Aıta ketsek, bas bapker Nurjan Nasanov jetekshiligimen bokstan Qazaqstan erler quramasy Túrkistan oblysynda birlesken oqý-jattyǵý jıynyn ótkizdi.
Daıyndyq barysynda olar aldaǵy Azııa chempıonatyna daıyndyq júrgizedi. Halyqaralyq deńgeıdegi jattyǵý jıynyna Ózbekstan, Túrkimenstan, Germanııa, Túrkııa quramalary keldi.
Ulttyq quramanyń bas bapkeri budan buryn shákirtteriniń 2026 jyldyń alǵashqy kezeńin Azııa chempıonatymen túıindeıtinin atap ótken edi.
— Qurlyqtyq dodaǵa deıin birneshe elmen birlesken oqý-jattyǵý jıynyn ótkizip, jyl basynan bergi jarystar men jattyǵýda ózin jaqsy kórsete bilgen boksshylardy Azııa chempıonatyna alyp baramyz. Bul — World Boxing uıymynyń eresekter arasyndaǵy alǵashqy qurlyqtyq birinshiligi. Jarys 28 naýryz-1 sáýir aralyǵynda Mońǵolııada bolady, — dedi Nurjan Nasanov.
