Bokstan Azııa chempıonaty: Jartylaı fınalǵa shyqqan sportshylar belgili boldy

ASTANA. KAZINFORM – Birikken Arab Ámirlikteriniń Ál-Aın qalasynda bokstan jasóspirimder men kishi jasóspirimder arasyndaǵy Azııa chempıonaty ótip jatyr, dep jazdy Olympic.kz. 

Qurlyq dodasynan Qazaqstan atynan jalpy esebi 56 boksshy qatysyp jatyr. Bizdiń komanda sapynan 39 jas boksshy jartylaı fınalǵa shyqty.

Al Madına Nurmanova (64 keli) men Káýsar Sangýmbaı (70 keli) kishi jasóspirim qyzdar arasynda aqtyq synǵa joldama aldy.

Aıta ketelik, jasóspirimder arasyndaǵy Azııa chempıonaty eki jas dárejesi boıynsha uıymdastyrylyp jatyr.

Qurlyqtyq básekege 2008-2009 jáne 2010-2011 jyly týylǵan jas boksshylar qatysyp jatyr.