Bokstan Azııa chempıonaty: jarystyń úshinshi kúni rıngke kimder shyǵady

ASTANA. KAZINFORM – Taıland koroldiginiń Chıangmaı qalasynda bokstan erler men áıelder arasynda ótip jatqan Azııa chempıonatynda úshinshi jarys kúni Qazaqstannan eki sportshy rıngke shyǵady.

Bul joly qazaqstandyq qyzdar baq synaıdy.

Alýa Balqybekova 50 kelige deıingi salmaqta rıng ıesi Raksat Chýthamatpen qolǵap túıistiredi.

Sondaı-aq, Uljan Sársenbek 57 kelige deıingi salmaqta ýkraınalyq Karına Vovkpen aıqasqa túsedi.

Bokstan jekpe-jekter saǵat 12.00-de bastalady. Tikeleı efır: ASBC Youtube.

Eske sala keteıik, budan buryn bokstan Azııa chempıonatynda jarys bastalmaı jatyp Qazaqstannyń 6 medalǵa qol jetkizgenin jazǵan bolatynbyz.

Sondaı-aq, qazaqstandyq eki boksshy Azııa chempıonatyn jeńispen bastady.