Bokstan Azııa chempıonaty: Orazbek Asylqulov fınalǵa ótti

ASTANA. KAZINFORM – Taıland koroldiginiń Chıangmaı qalasynda erler jáne áıelder arasynda bokstan ótip jatqan Azııa chempıonatynda Orazbek Asylqulov fınalǵa shyqty.

Qazaqstandyq boksshy 57 kelige deıingi salmaqta mońǵolııalyq Lýndaa Gantýmýrmen sheberlik baıqasty.

Birinshi raýndta tóreshiler jeńisti túgeldeı Orazbekke berdi. Ekinshi jáne úshinshi kezeńde 4:1 esebi tirkeldi. Qorytyndy esep: 5:0, Orazbek Asylqulovtyń paıdasynda.

Osylaısha, búgin sharshy alańǵa kóterilgen qazaqstandyq boksshylardyń úsheýi de fınalǵa joldama aldy.

Eske sala keteıik, budan buryn Sanjar Táshkenbaıdyń bokstan Azııa chempıonatynyń fınalyna joldama alǵanyn jazǵan bolatynbyz.

Sondaı-aq bokstan Azııa chempıonatynda Mahmud Sabyrhan altyn úshin aıqasady.