Bokstan Azııa chempıonaty: Mahmud Sabyrhan altyn úshin aıqasady

ASTANA. KAZINFORM – Taıland koroldiginiń Chıangmaı qalasynda erler jáne áıelder arasynda bokstan ótip jatqan Azııa chempıonatynda Mahmud Sabyrhan jartylaı fınaldyq jekpe-jegin ótkizdi.

Álem chempıony Mahmud Sabyrhan 54 kelige deıingi salmaqta sharshy alańnyń ıesi Saravýt Sýkthetpen betpe-bet keldi.

Birinshi raýndta M.Sabyrhannyń soqqylarynan keıin taılyq boksshynyń qasy jarylyp ketti. Sharshy alań ıesiniń judyryǵy da tıip jatty. Sony eskerdi me, qaptaldaǵy bes tóreshiniń úsheýi Mahmud basym dep tapty.

Ekinshi kezeńniń sońyna qaraı rıngtegi referı S.Sýkthetke nokdaýn tirkedi. Esep 5:0 bolyp, Mahmud aıqyn basymdyq tanytty.

Qorytyndy esep – 5:0. Endi qazaqstandyq boksshy altyn úshin sharshy alańǵa shyǵady.

Eske sala keteıik, budan buryn bokstan Azııa chempıonatynda Gúlsaıa Erjannyń ózbekstandyq qarsylasyn jeńip, fınalǵa shyqqanyn jazǵan bolatynbyz.

Sondaı-aq Azııa chempıonatynda 10 qazaqstandyq boksshy fınal joldamasyn sarapqa salady.

Sanjar Táshkenbaı bokstan Azııa chempıonatynyń fınalyna joldama aldy.