Bokstan Azııa chempıonaty: Qazaqstandyq jeńilip qaldy
ASTANA. KAZINFORM - Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda Muhamedsabyr Bazarbaıuly shırek fınaldyq jekpe-jegin ótkizdi.
M.Bazarbaıuly 63,5 kelige deıingi salmaqta taılandtyq Somchaı Vongsývanmen qolǵap túıistirdi.
Jekpe-jek barysynda Muhamedsabyr baryn salǵanymen, tóreshiler jeńisti taılyqqa berdi - 1:4.
Osylaısha, Qazaqstan erler quramasynan úshinshi boksshy jarys jolynan shyǵyp qaldy. Buǵan deıin Beıbarys Jeksen men Sáken Bıbosynov sátsizdikke ushyraǵan edi.
Eske sala keteıik, budan buryn bokstan Azııa chempıonatynda Mahmud Sabyrhannyń qarsylasyn ekinshi ret nokaýtpen utqanyn jazǵan bolatynbyz.
Bokstan Azııa chempıonatynda jarystyń jetinshi kúni kimder shyǵatyny habarlandy.