Bokstan Azııa chempıonaty: Qazaqstan jasóspirimderi jalpy esepte 2-oryn aldy

Astana qalasynda bokstan jasóspirimder  arasynda Azııa chempıonatynda Qazaqstan bozbalalar quramasy jalpy esepte 2-orynǵa ıe boldy, dep habarlaıdy Kazinform. 

Qazaqstan boks federatsııasynan málim etkenindeı, Úndistan komandasy 5 altyn, 1 kúmis, 2 qolamen medaldar kestesinde kósh bastady.

Qazaqstandyq jasóspirimder 3 altyn, 4 kúmis, 3 qola júldege qol jetkizdi.

Aldııar Bahadúr (48 kg), Jandos Alpysbaev (75 kg) jáne Beksultan Qaıratuly (+80 kg) jeńimpaz atandy. Ásirese, Beksultan úndistandyq qarsylasyn eki ret nokdaýnǵa jiberip, aıqyn basymdylyqpen utty.

Nurasyl Tólebek (52 kg), Bekarys Nurmuhan (66 kg), Jasulan Berdaly (70 kg), Baqytjan Aıtmuhanov (80 kg) kúmis, Nuǵman Nyǵmet (46 kg), Baýyrjan Muratov (54 kg), Asqar Qýanysh (60 kg) qolany qanaǵat tutty.

Komandalyq esepte Túrkimenstan men Qyrǵyzstan quramalary 1 altyn, 2 kúmis, 1 qola júldemen 3-4-oryndardy bólisti.

Erteń jastar arasynda fınaldyq básekeler ótedi.

Eske sala keteıik, budan buryn Qazaqstan qyzdar quramasynyń bokstan Azııa chempıonatyn 3 altynmen aıaqtaǵanyn jazǵan bolatynbyz.