Bokstan Azııa chempıonaty: Dıas Moljigitov fınalıster qataryna qosyldy

ASTANA. KAZINFORM - Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda Dıas Moljigitov fınalǵa joldama aldy.

Budan buryn 22 jasqa deıingiler arasynda Azııa chempıonatynda kúmis júldeger atanǵan D.Moljigitov 75 kelige deıingi salmaqta ýkraınalyq Pavel Ilıýshamen kezdesti.

Kezdesý tartysty ótip, tóreshilerdiń sheshimimen jeńis qazaqstandyq boksshyǵa berildi.

Osylaısha, Dıas Moljigitov Qazaqstan erler quramasynan altynshy bolyp fınalǵa shyqty.

Taǵy bir qazaqstandyq Erasyl Jaqpekov 80 kelige deıingi salmaqta ózbekstandyq Týrabek Habıbýllaevpen sharshy alańǵa shyqty. Birinshi raýndta ózbek boksshysy 4:1 esebimen alda turdy. Ekinshisinde Erasyl artyǵymen ese qaıyrdy - 5:0. Biraq tóreshiler jeńisti T.Habıbýllaevqa berdi.

Erasyl sóıtip qola júldeni qanaǵat tutty.

Eske sala keteıik, budan buryn Dýlat Bekbaýovtyń tájikstandyq boksshyny jeńip, fınalǵa shyqqanyn jazǵan bolatynbyz.