Bokstan Azııa chempıonaty: 9 qazaqstandyq fınalǵa shyǵý úshin talasady

ASTANA. KAZINFORM – Taıland koroldiginiń Chıangmaı qalasynda erler jáne áıelder arasynda bokstan ótip jatqan Azııa chempıonatynda búgin 9 qazaqstandyq sportshy jartylaı fınaldyq jekpe-jekterin ótkizedi.

Saǵat 12.00-de bastalatyn dodada rıngke birinshi bolyp Áıgerim Sáttibaeva shyǵady. Ol 48 kelige deıingi salmaqta ózbekstandyq Farzona Fozılovamen qolǵap túıistiredi.

Sondaı-aq Jazıra Oraqbaeva (52 kg) taǵy bir ózbekstandyq Ferýza Kazakovadan ótýge tyrysady.

Uljan Sársenbek (57 kg), Vıktorııa Grafeeva (60 kg) jáne Aıda Ábikeeva (63 kg) sáıkesinshe taılandtyqtar Pýnravı Rýenros, Porntıp Býapa, Thananıa Somnýekpen sheberlik talastyrady.

Mılana Safronova (66 kg) ózbekstandyq Navbahor Hamıdovamen, Natalıa Bogdanova (70 kg) ýkraınalyq Anastasııa Chernokolenkomen judyryqtasady.

Dıana Maǵaýıaeva (75 kg) qytaılyq Lına Van, Gúlsaıa Erjan (81 kg) ózbekstandyq Sohıba Rýzmetovamen synǵa túsedi.

Eske sala keteıik, budan buryn bokstan Azııa chempıonatynda Saǵyndyq Toǵambaıdyń ózbekstandyqty nokdaýnmen jeńgenin jazǵan bolatynbyz.

Sondaı-aq jarysta judyryq jumsaǵan boks bapkeri 2 jylǵa jumystan shettetildi.