Bokstan áıelder arasyndaǵy álem chempıonatynyń kúntizbesi jarııalandy

ASTANA. QazAqparat - Halyqaralyq boks assotsıatsııasy (IBA) áıelder arasyndaǵy 2023 jylǵy álem chempıonatynyń kúntizbesin jarııalady, dep habarlaıdy QazAqparat tilshisi.

Álemdik doda 15-26 naýryz aralyǵynda Úndistan astanasy Nıý-Delı qalasynda ótkiziledi.

Jarys barysynda 15 naýryzda týrnırdiń ashylý saltanaty, jerebe tartý rásimi jáne salmaq ólsheý sharasy uıymdastyrylady. Al 16-22 naýryz aralyǵynda eki sessııa boıynsha boksshylar qolǵap túıistiredi. Elorda ýaqytymen 14:30-da kúndizgi, 18.30-da keshki sessııa bolady.

Álem chempıonatynda 23 naýryzda jartylaı fınal ótkizilse, 25-26 naýryzda chempıondar anyqtalady.

Aıta ketsek, el quramasy sapynda Alýa Balqybekova (48 keli), Nazym Qyzaıbaı (50 keli), Jazıra Oraqbaeva (52 keli), Jaına Shekerbekova (54 keli), Karına Ibragımova (57 keli), Rımma Volosenko (60 keli), Aıda Ábikeeva (63 keli), Nadejda Rıabets (66 keli), Madına Nurshaeva (70 keli), Valentına Halzova (75 keli), Farıza Sholtaı (81 keli), Lıazzat Kúngeıbaeva (81 keliden joǵary) bar.