Bokstan áıelder arasyndaǵy álem chempıonatyna qatysatyn sportshylar anyqtaldy
Álem chempıonaty 8-21 mamyr aralyǵynda Túrkııanyń Stambýl qalasynda ótkiziledi. Dúbirli dodada qazaqstandyq boksshylar 12 salmaqta júldege talasady.
Ulttyq quramanyń bas bapkeri Shámil Safıýllın Alýa Balqybekova (48 keli), Nazym Qyzaıbaı (50 keli), Jaına Shekerbekova (52 keli), Dına Jolaman (54 keli), Karına Ibragımova (57 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli), Valentına Halzova (70 keli), Nadejda Rıabets (75 keli), Gúlsaıa Erjan (81 keli) jáne Lázzat Kúngeıbaeva (81 keliden joǵary) syny shákirtterine senim artyp otyr.
Álem chempıonatyna dúnıejúziniń 84 memleketinen 400-ge tarta bylǵary qolǵap sheberi keledi dep josparlanyp otyr.
Atalǵan týrnır 1974 jyldan beri turaqty túrde uıymdastyrylyp keledi. Qazaqstan quramasy qazirge deıin barlyǵy 51 medal enshiledi. Olardyń 14-i altyn, 15-i kúmis, 22-i qola.
Eske salsaq, budan buryn BoxRec úzdik qazaqstandyq boksshylar reıtıngisin jańartty.
