Bokstan áıelder arasynda el chempıonaty bastaldy
ASTANA. QazAqparat - Búgin Şýchede áıelder arasynda bokstan Qazaqstan chempıonaty bastaldy, dep habarlady QR Boks federatsııasynyń baspasóz qyzmetinen.
T.Ýálıev atyndaǵy sport mektebiniń bazasynda bastalǵan el birinshiligine 88 sportshy qatysýda. Olardyń qatarynda Olımpıada oıyndarynyń qola júldegeri Marına Volnova, Azııa chempıony Saıda Hasenova, Álem chempıonatynyń kúmis júldegeri Juldyz Mamatqulova, Álem chempıonatynyń qola júldegeri Nazym Qyzaıbaı, Azııa chempıondary Darıǵa Shákimova, Jaına Shekerbekova syndy sportshylar bar.
Chempıonattyń aqtyq kezdesýleri 15 naýryz kúni ótedi. Birinshilik qorytyndysyna sáıkes ulttyq qurama komanda jasaqtalyp, olar Azııa oıyndary men Ońtústik Koreıada ótetin Álem chempıonatynda Qazaq eliniń namysyn qorǵaıtyn bolady.
