Bokstan áıelder arasynda álem chempıonatyna qatysatyn Qazaqstan quramasy anyqtaldy

ASTANA. QazAqparat – Bokstan áıelder arasynda ótetin álem chempıonatyna qatysatyn Qazaqstan quramasy anyqtaldy, dep habarlaıdy QazAqparat tilshisi.

Qazaqstan boks federatsııasynyń baspasóz qyzmetinen málim etkenindeı, álem birinshiligi 14-26 naýryz kúnderi Úndistan eliniń astanasy Nıý-Delı qalasynda ótedi.

Qazaqstan quramasy álemdik dodaǵa tolyq quramda qatysyp, 12 salmaq dárejesinde baq synaıdy.

El namysyn myna sportshylar qorǵaıdy.

48 keli – Alýa Balqybekova,

50 keli – Nazym Qyzaıbaı,

52 keli – Jazıra Oraqbaeva,

54 keli – Jaına Shekerbekova,

57 keli – Karına Ibragımova,

60 keli – Rımma Volosenko,

63 keli – Aıda Ábikeeva,

66 keli – Nadejda Rıabets,

70 keli – Mádına Nurshaeva,

75 keli – Valentına Halzova,

81 keli – Farıza Sholtaı,

+ 81 keli – Lázzat Kúngeıbaeva.

Qazaqstan áıelder quramy sapynda álem jáne Azııa chempıondary men júldegerleri, kóptegen halyqaralyq jarystardyń jeńimpazdary bar.