Bokstan «Astana arlandary» men «Mýmbaı joıǵyshtary» komandalary arasyndaǵy qarymta kezdesý 4:1 esebimen aıaqtaldy
ALMATY. 18 aqpan. QazAqparat /Erlik Erjanuly/ - Keshe Almatyda Búkiálemdik boks serııasy aıasynda «A» tobynda baq synap jatqan Qazaqstannyń «Astana arlandary» men Úndistannyń «Mýmbaı joıǵyshtary» komandalarynyń qarymta kezdesýi ótti.
Onda Mırjan Rahymjanov ýkraınalyq Ivan Ilnıtskııdi (54 kg), Samat Bashenov fılıaaındik Charlı Sýarezdi (61 kg) upaı sanymen utty. Rýstam Svaev ızraıldik Konstantın Sınıgýrǵa (73 kg) upaı sanymen ese jiberdi. Odan keıin astanalyqtardyń aljırlik legıonerleri esepti odan ary ulǵaıta tústi. Atap aıtqanda Abdelhafıd Benshabla úndistandyqtardyń jalǵyz boksshysy Rahýl Kýmardy (85 kg) 3-raýnda tehnıkalyq nokaýtpen utty. Al asa aýyr salmaqtaǵy Shýaıb Bolodınats moldovalyq Mıhaıl Mýntıannan basym tústi. Qorytyndy esep 4:1. Mýmbaılyqtar buǵan deıin óz alańynda astanalyqtarǵa 0:5 esebimen ese jibergen edi.
Endi óz tobynda 3-oryn alǵan «Astana arlandary» 2-naýryzda jartylaı fınaldyq syndaǵy alǵashqy kezdesýin óz alańynda «V» tobynda óner kórsetken «Mehıko jaýyngerleri» komandasymen ótkizedi. Al qarymta kezdesý 9-naýryzda Mehıkoda bolady. «A» tobynda 4-oryn alǵan «Mýmbaı joıǵyshtarynyń» jartylaı fınaldaǵy qarsylasy «A» tobynyń kóshbasshysy bolǵan «Baký ottary» bolmaq.
