Bokstan álemniń eks-chempıony Davıd Sanches jol apatynan qaza tapty
ASTANA.QazAqparat - Dúnıejúzilik boks qaýymdastyǵynyń málimdeýinshe, álemniń eks-chempıony Davıd Sanches jol apatynan ajal qushty, dep habarlaıdy BoxingScene.
Qaıǵyly oqıǵa meksıkalyqtyń týǵan qalasy - Sonorede oryn alǵan. Kólikte sportshynyń aǵasy da bolǵan, ol da kólik apatynan kóz jumdy.
Ekinshi asa jeńil salmaqtaǵy (52, 163 kg.deıin) 25 jasar Sanches 2014 jyldyń qańtar aıynan 2015 jyldyń qyrkúıek aıyna deıingi aralyqta álem chempıony ataǵyna ıe boldy. Keıin ol tıtýl Lýıs Konsepsonǵa buıyrdy.
