Bokstan álem kýbogynyń jartylaı fınalyna qaı elder shyqty
ASTANA. KAZINFORM - Bokstan Qytaıdyń Gýııan qalasynda ótip jatqan álem kýbogynyń ekinshi kezeńinde jartylaı fınalǵa qaı elden qansha boksshy shyqqany belgili boldy.
Dúbirli dodaǵa alǵashqyda 44 memleket qatysýǵa nıet bildirgen edi. Olardyń arasynan 23-i bylǵary qolǵap sheberlerin attandyrdy. Bizdiń elimizden bedeldi básekege 17 sportshy bardy.
Endi jartylaı fınalda Qazaqstan quramasynan 8 boksshysy (5 áıel, 3 er) erteń sharshy alańǵa shyǵady.
Jarystyń atalǵan satysynda Ózbekstan 11, Qytaı - 9, Qazaqstan men Frantsııa - 8 úzdigine úmit artsa, odan keıingi oryndarda Úndistan men Polsha - 6, Anglııa men Brazılııa - 4, Ázerbaıjan men Italııa - 3, AQSh, Bolgarııa, Ońtústik Koreıa, Iordanııa, Ispanııa - 2 sportshysyna senim bildiredi.
Al jartylaı fınalda Aýstralııa, Germanııa, Kanada, Iran, Meksıka, Taıpeı, Taıland jáne Moldovadan 1 bylǵary qolǵap sheberi sharshy alańǵa shyǵady.
