Bokstan álem kýbogynyń fınalyna qaı elder shyqty
ASTANA. KAZINFORM - Bokstan Qytaıdyń Gýııan qalasynda ótip jatqan álem kýbogynyń ekinshi kezeńinde altyn júldege talasatyn sportshylardyń esimi tolyqtaı belgili boldy.
Nátıjesinde 44 eldiń arasynan 14 memlekettiń ókili aqtyq synǵa ótti. Nátıjesinde Ózbekstan - 7, Qytaı - 6, Qazaqstan - 5, Úndistan men Frantsııa - 4, Brazılııa - 3, Anglııa, AQSh, Italııa - 2, Taıpeı, Bolgarııa, Ázerbaıjan, Germanııa, Kanada - 1 úzdigine úmit artyp otyr.
Bizdiń elimizden bedeldi básekege 17 sportshy bardy. Endi fınalda Qazaqstan quramasynan 5 boksshysy (2 áıel, 3 er) erteń sharshy alańǵa shyǵady.
Aıta ketsek, 20 maýsymda el quramasynan Nazym Qyzaıbaı (54 keli), Vıktorııa Grafeeva (60 keli), Abylaıhan Júsipov (70 keli), Sanjar Táshkenbaı (50 keli), Aıbek Oralbaı (90 keliden joǵary) fınalǵa shyqsa, Dına Islambekova (80 keliden joǵary), Valerııa Aksenova (80 keli), Aıda Ábikeeva (65 keli) qola júldeni qanaǵat tutty.
