Bokstan álem kýbogynda Janseri Kósherbaev jarysty aıaqtady
ASTANA. KAZINFORM — World Boxing federatsııasynyń uıymdastyrýymen ótetin bokstan álem kýbogynda 20 sáýirde el quramasynan Janseri Kósherbaev (60 keli) jarys jolyn aıaqtady. Otandasymyz 1/16 fınalda ırlandııalyq Djýd Gallaherpen kezdesti.
3 raýnd boıy qos boksshy sharshy alańnyń ortasyn bermeýge tyrysyp, joǵary qarqynda judyryqtasty. Nátıjesinde soqqylar almasý barysynda dáldik tanytqan Djýd Gallaher tóreshilerdiń sheshimimen jeńiske jetti.
Aıta ketsek, budan buryn Nazym Qyzaıbaı (54 keli) Túrkııa ókili Aısen Taskınnen 4:1 esebimen basym tústi.
Bedeldi báseke Brazılııanyń Fos-dý-Igýasý qalasynda 20-26 sáýir aralyǵynda ótkiziledi.
Endi el quramasynan búgin endi kúndizgi sessııada 10-jupta 1/8 fınalda Dáýlet Tólemisov brazılııalyq Fılo Isaıaspen qolǵap túıistiredi.
Al keshki sessııada 4-jupta 1/16 fınal. Farýh Toqtasynov (70 keli) ırlandııalyq Djon MakKonnel, 13-jupta 1/16 fınalda Dıas Moljigitov (80 keli) japonııalyq Kaı Torıabemen sharshy alańǵa shyǵady.
