Bokstan álem kýbogynda Abylaıhan Júsipov qarsylasyn ekinshi raýndta jeńdi
ASTANA. KAZINFORM — Qytaıdyń Gýııan qalasynda ótip jatqan Álem kýbogynda búgin, 20 maýsymda Abylaıhan Júsipov (70 keli) jarysty jalǵastyrýǵa múmkindik aldy.
Álem chempıony, 70 kelide eń tájirıbeli boksshy sanalatyn Abylaıhan Júsipov jartylaı fınalda bıylǵy Azııa chempıony Zeıad Ishaıshpen (Iordanııa) judyryqtasty.
Jekpe-jektiń ekinshi raýndynda dáriger qarsylastyń jaraqatyna baılanysty jekpe-jekti toqtatyp, jeńisti otandasymyzǵa berdi.
Aıta ketsek, budan buryn el quramasynan Nazym Qyzaıbaı (54 keli), Vıktorııa Grafeeva (60 keli) fınalǵa shyqty.
Aıta ketsek, búgin el quramasy taǵy da qazaqstandyq boksshylar sharshy alańǵa shyǵady. Olardyń qatarynda Dına Islambekova (80 keliden joǵary), Valerııa Aksenova (80 keli), Sanjar Táshkenbaı (50 keli), Aıda Ábikeeva (65 keli), Aıbek Oralbaı (90 keli) el namysyn qorǵaıdy.
Aıta ketsek, Jarystyń atalǵan satysynda Ózbekstan 11, Qytaı — 9, Qazaqstan men Frantsııa — 8 úzdigine úmit artsa, odan keıingi oryndarda Úndistan men Polsha — 6, Anglııa men Brazılııa — 4, Ázerbaıjan men Italııa — 3, AQSh, Bolgarııa, Ońtústik Koreıa, Iordanııa, Ispanııa — 2 sportshysyna senim bildiredi.
Al jartylaı fınalda Aýstralııa, Germanııa, Kanada, Iran, Meksıka, Taıpeı, Taıland jáne Moldovadan 1 bylǵary qolǵap sheberi sharshy alańǵa shyǵady.
