Bokstan álem kýbogi: Nazym Qyzaıbaı alǵashqy jekpe-jeginde jeńiske jetti

ASTANA. KAZINFORM – Astanada bokstan erler men áıelder arasyndaǵy álem kýbogi óz shymyldyǵyn túrdi. Alǵashqy bolyp sharshy alańǵa shyqqan Nazym Qyzaıbaı jeńiske jetti.

Nazym 48 keli salmaqta birinshi jekpe-jeginde kanadalyq Prııanka Dıllondy aıqyn basymdyqpen utty. Osylaısha Nazym Qyzaıbaı kelesi kezeńge joldama aldy.

Boks federatsııasy málimetinshe, onyń kelesi qarsylasy – ózbekstandyq Azııa oıyndarynyń chempıony Farzona Faızolova.

Aıta keteıik, bul dúbirli doda elimizde alǵash ret uıymdastyrylyp otyr. Jarysty World Boxing uıymy ótkizip jatyr. Aıtýly dodaǵa 30 memleketten 300-ge jýyq sportshy baq synaıdy.

Astanadaǵy jarysta búgin qazaqstandyq bes boksshy synǵa túsedi.