Bokstan álem chempıonyn pyshaqtap ketti
ASTANA. QazAqparat -Halyqaralyq boks federatsııasynyń nusqasy boıynsha 66,7 keli salmaq sanatyndaǵy kásibı bokstan álem chempıony brıtandyq Kell Brýk aýrýhanaǵa tústi.
Ony Ispanııadaǵy Tenerıf kýrortynda pyshaqtap ketken. Bul týraly brıtandyq BAQ habarlady.
28 jastaǵy brıtandyq boksshy Golf-del-Sýr kýrortynda saýyq keshinde aıaǵynan pyshaq jaraqatyn aldy. Onyń jaǵdaıy turaqty dep baǵalanýda, alaıda kóp qan joǵaltqan.
Brýktyń jaralanýynyń mán-jaıy tergelýde. Kúdiktini tutqyndaǵany týraly aqparat ázirge joq.
Kelle Brýk 2014 jylǵy 16 tamyzda Brýk Shona Porterdi jeńip (Shona Porterdiń óz mansabyndaǵy alǵashqy jeńilisi), IBF nusqasy boıynsha ortasha salmaqta álem chempıony atanǵan edi. Brýk 33 ret jekpe-jekke shyǵyp, barlyǵynda jeńiske jetken (22-si nokaýtpen).
